Хитой ядро қуролига эга давлатларни шартнома тузишга чақирди

 

Хитой ядро арсеналига эга давлатларга “бир-бирларига қарши ядровий қуролни биринчи бўлиб фойдаланмаслик тўғрисида” шартнома тузишга чақирди. Бу ҳақда Реутерс хабар берди.

 

Тегишли конференция ядро қуролига эга бўлмаган давлатларни ядровий таҳдиддан ҳимоя қиладиган халқаро ҳуқуқий ҳужжатнинг йўл харитаси ёки жадвалини белгилаши керак.

 

“Ядро қуролига эга давлатлар музокара олиб бориши ва бир-бирига қарши биринчи бўлиб фойдаланмаслик тўғрисида шартнома тузиши ёки бу борада сиёсий баёнот бериши керак”, — деди Сун.

 

Бугунги кунда дунёда тахминан 13 080 та ядро каллаклари мавжуд. Россия ва АҚШ дунёдаги энг йирик ядро арсеналига эга. Хитой ва Ҳиндистон эса “биринчи бўлиб фойдаланмаслик” сиёсатига расман амал қиладиган ягона ядровий қуролга эга давлатлардир.

 

Бундан ташқари, хитойлик дипломат халқаро меъёрларни ишлаб чиқишга эътибор қаратиш ва сунъий интеллект, коинот ва киберкосмос каби соҳаларда янги илмий ва технологик муаммоларга қарши туриш зарур, деб ҳисоблайди.

 

У халқаро стратегик хавфсизлик билан боғлиқ вазиятни янги муаммоларга дуч келаётгани ва ҳарбий қудрати юқори давлатлар “мутлақ устунликка эришиш” учун бир неча бор “шартномаларни бузган”ини таъкидлади.

 

Қайси давлатлар ядро қуролига эга?

• Россия — 6257 та (1458 фаол, 3039 яроқли, 1760 эскирган);

• АҚШ — 5,550 та (1,389 фаол, 2,361 яроқли, 1,800 эскирган);

• Хитой — 350 та мавжуд (ядро арсеналини фаол равишда кенгайтирмоқда);

• Франция — 290 та;

• Буюк Британия — 225 та;

• Покистон — 165 та;

• Ҳиндистон — 156 та;

• Исроил — 90 та;

• Шимолий Корея — 40-50 та (тахминий).