Британиялик эркак витаминнинг кўплигидан вафот этди
У 9 ой давомида уни қабул қилган.
Британиялик эркак витаминнинг кўплигидан вафот этди.
Маълум бўлишича, 89 ёшли Девид Митченер тўққиз ой давомида Д витаминини қабул қилган. Натижада қондаги кальций миқдори ҳаддан ташқари кўпайиб кетиб, у касалхонага ётқизилган. Текширувларда организмда витамин даражаси қабул қилинадиган стандартлардан ошиб кетгани аниқланган. Шундан сўнг орадан 10 кун ўтиб, эркак шифохонада вафот этган.
Д витамини кальцийнинг сўрилишини яхшилайди, аммо унинг ортиқча миқдори суяклар заифлашишига олиб келиши мумкин.
Эслатиб ўтамиз, бундан бир йил олдин бельгиялик эркак ҳам айнан Д витаминини қабул қилишда дозани ошириб юборгани сабаб вафот этганди.
