28 нафар иқтидорли қиз Зулфия мукофоти билан тақдирланди
Бу бўйича Президент қарори қабул қилинди.
Ўзбекистон Республикаси Президентининг "Зулфия номидаги Давлат мукофоти билан тақдирлаш тўғрисида"ги қарори қабул қилинди.
“Аъло хулқи, ноёб истеъдоди, зукколиги, ташаббускорлиги, ўқишдаги муваффақиятлари ҳамда таълим, фан, адабиёт, санъат, маданият, спорт соҳаларида ва жамоатчилик фаолиятида эришган алоҳида ютуқлари учун Зулфия номидаги Давлат мукофоти билан тақдирлансин”, - дейилади қарор матнида.
Тақдирланганлар 8 март – Халқаро хотин-қизлар куни ўтказиладиган байрам тантаналарида совриндорлик дипломлари ва кўкрак нишонлари топширилади.
Шунингдек, Зулфия мукофоти совриндорларининг ҳар бирига БҲМнинг 50 баравари миқдорида пул мукофоти берилади.
