"Бавария" Киммих билан шартномани узайтирмоқчи
Айни вақтда музокаралар бошланган.
Мюнхеннинг "Бавария" клуби ярим ҳимоячи Жошуа Киммих билан шартномани узайтирмоқчи. Бу ҳақда журналист Николо Шира ўзининг ижтимоий тармоғида хабар хабар берди.
Манбага кўра, томонлар ўртасида уч йиллик янги шартнома имзолаш бўйича музокаралар олиб борилмоқда.
Эслатиб ўтамиз, аввалроқ ярим ҳимоячи жамоанинг айрим аъзолари билан муносабатлари ёмонлашгани ва Томас Тухел мураббийлар штаби вакилларидан бири билан можародан сўнг келаётган ёзда Мюнхен клубини тарк этмоқчилиги ҳақида хабар берилганди.
Жорий мавсумда ярим ҳимоячи мюнхенликлар сафида барча турнирларда 28 та ўйин ўтказиб, битта гол урди ва 6 та голли узатмага муаллифлик қилган.
