Британия компаниялари 4 кунлик иш ҳафтасига ўтди
Экспериментал лойиҳада 61 та муассаса иштирок этмоқда.
Лойиҳадаги ташкилотларнинг 89 фоизи камроқ ишлаб, бироз дам олиш мумкинлигига ишончи комил.
Ходимлар тўлиқ маош олди. Улар стрессдан қутулиб, ишга иштиёқи ортди. Натижада тадбиркорларнинг даромади икки баробар ошди. Ҳар иккинчи фирма, яъни 51 фоиз, тажриба тугагандан сўнг доимий равишда 4 кунлик жадвалга ўтди. Иш берувчиларнинг таъкидлашича, вақтни тежаган ходимлар ўз оиласи ва шахсий камолотига эътибор қаратган, меҳнат унумдорлигини оширган.
“Соғлиғи туфайли таътилга чиқаётганлар сони камайди. Агар илгари оддий ходим йилига 4-5 марта касал бўлган бўлса, энди у атиги 1-2 кун касал бўлган. Натижалардан хурсандмиз”, — деди Қироллик биология жамияти бош директори Марк Даунс.
