Дунёдаги энг кекса аёл 117 ёшга тўлди
У хотираси мустаҳкамлиги билан шифокорларни ҳайрон қолдирмоқда.
Дунёдаги энг кекса аёл Мария Бранас Морера ўзининг 117 ёшини нишонлади.
Маълумотларга кўра, аёл 1907 йил 4 мартда Американинг Сан-Франсиско шаҳрида туғилган, аммо саккиз ёшида Каталонияга кўчиб ўтган. Рекордчи сўнгги 23 йилдан бери қариялар уйида яшайди.
Мариянинг соғлиғида ҳеч қандай муаммо йўқ, фақат эшитиш қобилияти заиф ва ҳаракатдаги қийинчиликлардан ташқари. Аёл узоқ умр кўриш сирини очишга ҳаракат қилаётган тадқиқотчилар томонидан илмий синовдан ўтишга рози бўлди.
Олим Манел Эстер у билан суҳбатлашгандан сўнг унинг хотираси кучли эканини, у ҳатто тўрт ёшида содир бўлган воқеаларни эслаб туришини, кекса одамларда тез-тез учрайдиган юрак-қон томир касалликларига эга эмаслигини айтди.
Эсалатиб ўтамиз, Мария Морера тарихдаги ўн иккинчи энг кекса аёл ҳисобланади. У 118 ёшга тўлса, бешинчи ўринга кўтарилади. Гиннеснинг рекордлар китобига кўра, дунёдаги энг кекса одам 122 йил 164 кун яшаган француз аёл Жан Калман эди.
