Илк марта ўпка ва жигар трансплантацияси баравар амалга оширилди
Мазкур операция 18 соат давом этган.
Япониянинг Киото университети касалхонаси тирик донорлардан бир вақтнинг ўзида ўпка ва жигар трансплантациясини амалга оширди. Операция 2023 йил 15 ноябрда бўлиб ўтган. Бу ирсий касалликка чалинган 10 ёшли болада амалга оширилган, унга ўпкасининг бир қисмини ота-онаси, жигарининг бир қисмини бобоси берган.
Операция тўртта операция хонасида 18 соат давом этди ва профессор Дате Хироши раҳбарлигида 30 дан ортиқ шифокорлар жалб қилинди. Ҳозирда Канто вилоятида яшовчи беморнинг аҳволи яхшиланмоқда. Операциядан икки ярим ой ўтгач, у кислород баллонисиз юра олди. 1 март куни у касалхонадан чиқарилган. Ота-онаси ва бобоси ҳам нормал ҳаётга қайтишди.
Касалхона маълумотларига кўра, илгари хорижда вафот этган инсонлардан бир вақтнинг ўзида ўпка ва жигар трансплантацияси амалга оширилганди. Бунинг камида 20 та ҳолати қайд этилган. Тирик донорлар билан амалга оширилган операция эса янги терапевтик вариант ҳисобланади.
