Трамп ва Байден аксарият штатларда ғалаба қозонди
АҚШда президентлик сайловлари қизғин тус олмоқда.
Байден ва Трамп президентликка номзодлик учун овозлари зарур бўлган энг кўп делегатларни таъминловчи Калифорния ва Техасда мос равишда Демократ ва Республикачилар партиялари праймеризларида ғалаба қозонишди.
Республикачилар партиясидан номзодлик учун курашда Трампнинг асосий рақиби Никки Хейли "супер сешанба" куни фақатгина Вермонт штатида ғалабани қўлга киритди. Эндиликда, у номзод бўлиш учун реал имкониятларга эга эмас.
Жо Байден "супер сешанба"да фақатгина Америка Самоаси ҳудудида мағлуб бўлди. Бу ҳудудда бизнесмен Жейсон Палмер ғалаба қозонган.
ОАВ кутилмаларига кўра, Байден Аёва, Вермонт, Виржиния, Шимолий Каролина, Оклахома, Теннесси, Мэн, Массачусетс, Техас, Арканзас, Алабама, Колорадо, Миннесота, Юта ва Калифорния штатларида ғалаба қозонган.
Трамп Виржиния, Шимолий Каролина, Оклахома, Теннесси, Мэн, Техас, Арканзас, Алабама, Колорадо, Миннесота, Массачусетс ва Калифорнияда ғалаба қозонган.
