Тожикистонда совуқ туфайли 15 киши вафот этди

Охирги воқеа 5 мартга ўтар кечаси содир бўлган, исинишга уриниб печка ёққан уч оила аъзоси ис газидан вафот этган. Душанбеда эса 2 март куни худди шундай шароитда 4, 3 ва бир яшар болалар ўлими қайд этилган. 

 

Воқеа жойини дастлабки кўздан кечириш натижасида ёнғинга радиатор (иситгич) сабаб бўлгани аниқланган. Бундан бир неча кун аввал, 27 февралдан 28 февралга ўтар кечаси Душанбе шаҳрининг Фирдавсий туманида бир оиланинг олти нафар аъзоси ис газидан вафот этган.

 

2023 йилда 7 декабрдан 8 декабрга ўтар кечаси Душанбенинг Исмоили Сомоний туманида яна бир оила худди шундай фожиани бошидан кечирган, жумладан, 42 ёшли аёл ва унинг икки қизи ўз уйида ис газидан заҳарланган ҳолда топилган.

 

Бундай фожиалар айниқса электр таъминоти тартибсиз ёки беқарор бўлган шароитларда асосан иситиш мосламаларидан нотўғри фойдаланиш туфайли содир бўлмоқда, — дейди Фавқулодда вазиятлар ва фуқаро мудофааси қўмитаси матбуот маркази раҳбари Умеда Юсуфий.

 

Унинг сўзларига кўра, бу ҳодисалар иситиш мосламалари ва печкалардан хавфсиз, тўғри фойдаланиш бўйича аҳолининг хабардорлигини ошириш зарурлигини кўрсатади.