Испанияда Telegram блокланди
Маҳаллий ОАВ бу бўйича шикоят қилган.
Испания Олий суди Telegram мессенжерига маҳаллий оммавий ахборот воситаларидан келиб тушган шикоятлар туфайли мамлакатдаги фаолиятини вақтинча тўхтатди. Бу ҳақда суддаги ўз манбаларига таяниб, Reuters нашри хабар берди.
Испанияда Telegramʼдан фойдаланиш АAtresmedia, EGEDA, Mediaset va Telefonicа медиа компаниялари талабига кўра душанбадан вақтинчалик тўхтатилади. Уларга телеграм ўз фойдаланувчиларига муаллифлик ҳуқуқи эгаларининг розилигисиз контент юклаш имконини бераётгани маъқул келмаяпти.
"Судья Сантяго Педрас даъволар текширилаётган пайтда Испанияда телеграм хизматларини блоклашга қарор қилди. Суд манбаси телеграм хизматларини блоклаш мобил провайдерлар зиммасида бўлишини айтди", деб ёзади Reuters.
