Аргентина Президенти 70 минг давлат ходимини ишдан бўшатмоқчи
Ҳукумат, шунингдек, кераксиз келишувларни ҳам бекор қилмоқчи.
Аргентина Президенти Хавьер Милей яқин ойларда 70 минг давлат хизматчисини ишдан бўшатмоқчи.
“Биз 50 минг давлат ходимини ишдан бўшатгандик, улар билан шартномалар бекор қилинди. Биз яна 70 минг давлат хизматчисини ишдан оламиз", – деди у Лотин Америкаси иқтисодчилари форуми ёпилишида.
Манбаларга кўра, ҳукумат 31 мартда тугайдиган ўн минглаб "кераксиз" келишувлардан ҳам қутулмоқчи.
Эслатиб ўтамиз, 2023 йил 27 декабрда Аргентина ҳукумати 2023 йилда ишга қабул қилинган 5 мингдан ортиқ давлат хизматчиси билан шартномаларни янгиламаганди. Қолганлари 90 кун давом этган аудитдан ўтказилди. Ушбу чора қонуний квота бўйича ишга қабул қилинган ёки "иш учун муҳим" деб ҳисобланган ходимларга таъсир қилмаган.
