Исроил Эроннинг Дамашқдаги консуллигини нишонга олди
8 нафар қурбон аниқланган.
Исроил Сурия пойтахти Дамашқдаги Эрон консуллиги биносига ҳаво ҳужуми уюштирди. Қайд этилишича, Муҳаммад Ризо Зоҳидий - тузилманинг Сурия ва Ливандаги кучлари бош қўмондони, Заҳидийнинг яқин дўсти ва ўринбосари генерал Раҳимий, Инқилоб гвардияси генерал Ҳусайн Аминоллоҳ кабилар, жами 8 киши вафот этган.
Расмий Теҳрон Эрон Исроил ҳужумига жавоб бериш ҳуқуқини ўзида сақлаб қолишини маълум қилди.
Мамлакат ТИВ Вашингтон Исроилнинг ҳаракатлари учун жавоб бериши керак, деб ҳисобламоқда. Айни пайтда АҚШ расмийлари зарбадан хабари бўлмаганини ва унда иштирок этмаганини айтди.
Россия ТИВ Исроил ҳужумини қоралаб, мамлакат раҳбариятини Сурия ва бошқа давлатлардаги провокацион ҳарбий ҳаракатлардан воз кечишга чақирди.
Тунда Россия томонининг сўровига биноан ушбу вазият бўйича БМТ Хавфсизлик Кенгашининг йиғилиши бўлиб ўтади.
