Тайванда 70 киши туннеллар ва қулаган бинолар ичида қолиб кетди
Зилзила оқибатида 9 киши ҳалок бўлди, мингдан ортиқ одам жароҳатланди.
Тайванда чоршанба куни эрталаб содир бўлган зилзила оқибатида 70 киши туннеллар ва қулаган бинолар ичида қолиб кетди.
Тайваннинг Хуалян округида содир бўлган зилзиладан кейин қурбонлар сони ортиб бормоқда. Орол учун, шунингдек, Хитой ва минтақанинг бошқа мамлакатлари учун цунами ҳақида огоҳлантириш эълон қилинди.
Сўнгги маълумотларга кўра, Тайванда 130 га яқин бино ва уй зарар кўрган.
Хуалян округи ва Тайван марказидаги магистралнинг бир қанча тоғли қисмлари қисман қулагани ёки тош қулаши туфайли тўсиб қўйилганидан кейин транспорт ҳаракати учун ёпилган.
Зилзила бошланганда электр таъминотида узилишлар бўлган, лекин электр энергияси 2,5 соатлар ичида тикланган.
Зилзила оролда сўнгги 25 йилдаги энг кучлиси бўлди. 1999 йилда Тайванда содир бўлган 7,6 магнитудали зилзила 2400 га яқин одам қурбон бўлган ва 50 минг бино вайрон бўлган ёки шикастланган.
