Тожикистон Туркия фуқаролари учун виза жорий қилмоқчи
Ҳозирда ушбу масала кўриб чиқилмоқда.
Тожикистон томони ўзаролик тамойилига мувофиқ, республикага ташриф буюрадиган турк фуқаролари учун виза тартибини жорий этиш масаласини кўриб чиқмоқда. Бу ҳақда Тожикистон Ташқи ишлар вазирлиги расмий вакили Шохин Самадий маълум қилди.
Аввалроқ Ражаб Тоййиб Эрдоған Туркияга умумий паспорт билан кирувчи Тожикистон фуқаролари учун визасиз режимни бекор қилганди, энди улар саёҳат қилишдан олдин дипломатик ваколатхоналардан виза олишлари шарт. Тегишли фармон расмий газетада эълон қилинди.
Самадийнинг қайд этишича, Туркия дипломатик каналлар орқали бу қарор ҳақида Тожикистонни хабардор қилган.
“Тожикистон томони ўзаролик тамойилига мувофиқ Туркия фуқаролари учун виза режимини жорий этиш масаласини кўриб чиқмоқда”, — деди Тожикистон ТИВ вакили.
