Илон Маск миллион кишини Марсга юбормоқчи
SpaceX компанияси дастлаб Ойда база қуришни режалаштирмоқда.
Америкалик миллиардер Илон Маск келажакдаги режалари ҳақида гапириб, Ойнинг ўзлаштирилиши ва 2050 йилда Марсга миллион киши юборилиши маълум қилди.
Маскнинг айтишича, такрор муваффақиятсизликларга учраган Starship кемаси келгуси йили тўлиқ тайёр бўлади. Бироқ бу кема одамларни ўзга сайёраларга олиб учмайди. Ерликлар Марсга Starship кемасининг учинчи итерацияси (авлоди) билан парвоз қилади. Аммо бунинг учун жуда кўп меҳнат ва изланишлар талаб этилади.
«Бошланишига сайёралараро, кейин юлдузлараро турга айлана олсак, бизнинг цивилизациямиз миллион йиллар барҳаёт бўлади. Акс ҳолда — бир неча юз йил», — таъкидлади Илон Маск.
