Олимлар инсон танасида янги жигар ўстиришни ўрганди
Бу ўткир жигар етишмовчилиги бор беморларни даволашда қўлланади
Пенсилванияда жойлашган LyGenesis биотехнологик компанияси инсон танасида янги мини-жигар етиштириш бўйича биринчи операцияни бошлади.
Ўткир жигар етишмовчилиги бўлган беморга донор ҳужайралар қориннинг юқори қисмидаги лимфа тугунига киритилган. Бир неча ойдан сўнг ҳужайралар кўпайиб, лимфа тугунини тўлдириши ва қонни фильтрлаш функциясини ўз зиммасига олиши керак.
25 март куни операция қилинган бемор аллақачон муолажадан тузалиб, шифохонадан чиқарилган. Бироқ шифокорлар унинг танасини диққат билан кузатишда давом этадилар, чунки инсон танаси донор ҳужайраларини рад этишининг олдини олиш учун иммуносупрессив дориларни қабул қилиши керак.
