Сиднейда епископга пичоқ билан ҳужум қилинди
Оқибатда 4 киши яраланган.
Маълумотларга кўра, ҳужум натижасида епископ ва яна уч киши яраланган. Жиноятчи полиция томонидан қўлга олинган.
Мазкур воқеа ижтимоий тармоқларда тўғридан-тўғри трансляция қилинган. Кадрларда ваъз пайтида бир киши руҳонийнинг олдига югуриб келиб, уни пичоқ билан ургани, шундан сўнг у йиқилиб тушгани ва ҳужумчи зарба беришда давом этаётганини кўриш мумкин. Шундан сўнг бир неча диндорлар руҳонийга ёрдам бериш учун югуриб келишади.
Бу сўнгги кунларда Сиднейда содир этилган иккинчи қуролли ҳужумдир. 13 апрел куни шаҳардаги савдо марказларидан бирида пичоқ билан қуролланган эркакнинг одамларга ҳужум қилиши натижасида 6 киши ҳалок бўлган ва бир неча киши жароҳатланган эди.
