Кўча ўртасида қўшиқ куйлаган Ҳусан қамалди
У ИИО ходимларининг қонуний талабини ҳам бажармаган.
Кеча ижтимоий тармоқда Тошкентда йўлнинг қатнов қисмида бир нечта йигитлар автомобилларни ташиш учун мўлжалланган юк машинани йўлга қўйиб, қўшиқ куйлаётгани акс этган видео тарқалганди.
Аниқланишича, 22 апрель куни 38 ёшли Ҳусан ва унинг созандалари Чилонзор туманида автомобиль йўлининг қатнов қисмида сунъий тирбандлик юзага келтириб, жамоат тартибини қасддан бузишган, шунингдек, улар ИИО ходимларининг қонуний талабларни бажармай ИИБга боришдан бош тортган.
Суд қарори билан йигитларнинг ҳар бирига 340 минг сўм миқдорида жарима ва узил-кесил 3 сутка маъмурий қамоқ жазоси тайинланган.
