Туркияда яна кучли зилзила бўлиши башорат қилинмоқда
Сейсмолог бу бўйича ўз прогнозларини эълон қилди.
Туркиянинг етакчи сейсмологи Нажи Герур расмийларни Истанбулдаги вайронкор зилзилалар эҳтимоли юқорилиги ҳақида бир неча бор огоҳлантирган, метрополда 7,6 магнитудали силкинишлар бўлишини башорат қилган.
“Истанбулда 7,2, максимал 7,6 магнитудали зилзила кутилмоқда. Биз бу зилзилалардан бирини Адалар ёриғида, иккинчисини эса ушбу Адалар ёриғига туташган Қумбургаз ёриғида кутамиз”, - деган сейсмолог.
У мамлакат жануби-шарқидаги Қаҳраманмарашда ҳалокатли зилзилалар бўлиши мумкинлиги ҳақида огоҳлантирганида, табиий офатга тайёргарлик кўрилмаганидан шикоят қилган.
“Биз Қаҳраманмарошдаги зилзила ҳақида олдиндан кўп гапирдик, лекин ҳеч ким қулоқ солмади. Энди тарих такрорланишидан қўрқамиз”, — деди профессор.
Шаҳар мерияси ҳисоб-китобларига кўра, 7,5 магнитудали зилзила содир бўлса, камида 90 мингта бино вайрон бўлади, 4,5 миллионга яқин фуқаро вақтинчалик уй-жойга муҳтож бўлиши мумкин.
