Кенияда тўғон бузилди: 42 нафар одам ҳалок бўлди
Сўнгги бир ойда Кенияда сув тошқинлари оқибатида 100 дан ортиқ аҳоли қурбон бўлди.
Кениянинг Камучири қишлоғида кучли ёмғир ва сув тошқинлари туфайли тўғон бузилди.
Мазкур ҳодисадан кейин кўплар уйлар сув остида қолиб, йўллар тўсилган.
“Қирқ икки киши ҳалок бўлди ва бу дастлабки кўрсаткич. Лой қатлами остида ҳамон одамлар бор”, — деди Накуру округи губернатори Сьюзен Кихика.
Маҳаллий ОАВ қутқарув гуруҳлари пойтахт Найробидан 60 км узоқликда жойлашган Май-Махиу шаҳри яқинидаги қишлоқда омон қолганларни қидираётгани ҳақида маълумот берди.
