Самарқандда 8-синф ўқувчиси она бўлди
Ҳолат юзасидан Болалар омбудсмани муносабат билдирди.
Ижтимоий тармоқда Самарқандда 8-синф ўқувчиси фарзандли бўлгани айтилган хабарлар тарқалмоқда. Ҳолат юзасидан Болалар омбудсмани маълумот берди.
Аниқланишича, Самарқанд вилоятидаги мактабнинг 8-синф ўқувчиси, вояга етмаган қиз 2023 йил август ойида ўзига аввалдан таниш бўлган, 2006 йилда туғилган йигит билан яқин муносабатда бўлган. У 2024 йил 6 май куни шифохонада P.Z. чақалоқ дунёга келтирган.
Мазкур ҳолат юзасидан туман ИИБ томонидан ЖКнинг 128-моддаси 1-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
