Ўзбекистон ва ОТБ ўртасида меморандум имзоланди
Дастурда “Ўзбекистон – 2030” Стратегиясида белгиланган вазифаларга мувофиқ бўлган лойиҳалар ўрин олган.
Ўзбекистон Бош вазирининг ўринбосари Жамшид Ходжаев бошчилигидаги Ўзбекистон делегацияси 4-5 май кунлари Тбилиси шаҳрида Осиё тараққиёт банки Бошқарувчилар кенгашининг 57 йиллик йиғилишида иштирок этди. Бу ҳақда Инвестисиялар, саноат ва савдо вазирлиги хабар бермоқда.
Тадбир доирасида инвестисиялар, саноат ва савдо вазири ўринбосари Хуррам Тешабаев ва ОТБнинг Марказий ва Ғарбий Осиё бўйича бош директори Евгений Жуков умумий қиймати 3,5 млрд АҚШ долларлик 2025-2027 йилларга мўлжалланган дастурни амалга ошириш бўйича меморандумни имзоладилар.
Дастурда ҳар икки томон учун ҳам манфаатли бўлган ва “Ўзбекистон – 2030” Стратегиясида белгиланган вазифаларга мувофиқ бўлган лойиҳалар ўрин олган.
