Ўзбекистон

Самарқандда икки қаватли уй қулаб тушиши ҳолати бўйича жиноят иши қўзғатилди

Фуқаронинг ўзбошимчалиги унга қимматга тушадиган бўлди. Zamon.uz ҳодиса тафсилотларини ўрганиш мақсадида Бош прокуратура ва Қурилиш ва уй-жой коммунал хўжалиги вазирлиги билан боғланди.

Самарқандда икки қаватли уй қулаб тушиши ҳолати бўйича жиноят иши қўзғатилди

Бош прокуратура матбуот котиби Ҳаёт Шамсуддиновнинг маълум қилишича, Самарқанд вилоятининг Жума шаҳрида котлован нотўғри қазилиши оқибатида қурилиш объектига туташ бўлган уй қулаб тушиши ҳолати юзасидан жиноят иши қўзғатилди.

 

Қайд этилишича, 2024 йил 15 май куни фуқаро Ҳасан Муродуллаев Паст Дарғом туман ИИБга ариза билан мурожаат қилган. У аризасида туманнинг Самарқанд маҳалласи, Самарқанд кўчаси, 28-рақамли яшаш уйи билан бир девор қўшниси Тохиржон Бегматов ҳовлисида дўкон қуриш учун котлован қазигани, қурувчиларга қазиш ишларини тўхтатишни, акс ҳолда уй қулаб тушушини бир неча бор айтиб келганини билдирган.

 

 

Уй эгаси қурувчилар котлован қазиш ишларини давом эттирганини ва бунинг оқибатда 14 май куни соат 19:45 ларда яшаш хонадони қулаб тушиб, унга 300 минг АҚШ доллари миқдорида моддий зарар етказилганини баён этган. У аризасида фуқаро Тоҳиржон Бегматовга нисбатан қонуний чора кўришни сўраган.  

 

Ҳозирда ҳолат юзасидан Паст Дарғом туман ИИБ ҳузуридаги тергов бўлими томонидан Жиноят кодексининг 173-моддаси 2-қисми “в” банди билан жиноят иши қўзғатилиб, дастлабки тергов ҳаракатлари бошланган. Таъкидланишича, жиноят ишининг тергови назоратга олинган бўлиб, қўшимча равишда ахборот берилиши таъминланади.  

 

Қурилиш ва уй-жой коммунал хўжалиги вазирлиги хандақ қазиш жараёнида нотўғри йўл тутилганлигини маълум қилди.

 

Фуқаро Б.Исроиловга тегишли бўлган Самарқанд вилояти, Пастдарғом тумани, Жума шаҳри, "Самарқанд" маҳалласи, Самарқанд  кўчасидаги 26-уйни реконструкция қилиш ҳамда ўз ҳудудидан қўшимча бино ва иншоотларни қурилишига Пастдарғом тумани Қурилиш ва уй-жой коммунал хўжалиги бўлимининг 2024-йил 20 январдаги рухсатномаси берилган.

 

 

Мазкур ҳужжатга асосан Самарқанд вилояти Қурилиш ва уй-жой коммунал хўжалиги бош бошқармаси томонидан 2024 йил 2 февралда архитектура режалаштириш топшириғи ишлаб чиқилган.

 

“МЕЗАНА ПРОЕКТ” МЧЖ ташкилоти томонидан ишлаб чиқилган лойиҳа ҳужжати Самарқанд вилояти Қурилиш ва уй-жой коммунал хўжалиги бошқармаси лойиҳа-смета ҳужжатларини келишиш бўйича архитектура ва шаҳарсозлик Кенгаши ишчи органининг 2024 йил 4 мартдаги хулосаси билан келишиб берилган.

 

“МЕЗАНА ПРОЕКТ” МЧЖ ишлаб чиққан лойиҳа ҳужжати “Шаҳарсозлик ҳужжатларини экспертиза қилиш” республика маркази Самарқанд вилояти филиали томонидан кўриб чиқилиб, 2024 йил 26 мартда экспертиза хулосаси олинган.

 

Самарқанд вилояти Қурилиш ва уй-жой коммунал хўжалиги соҳасида ҳудудий назорат қилиш инспекциясидан объектда қурилиш-монтаж ишларини бошлаш учун рўйхатдан ўтказилган.

 

Ўрганиш жараёнида фуқаро Б.Исроилов  томонидан ўзбошимчалик билан “МЕЗАНА ПРОЕКТ” МЧЖ томонидан ишлаб чиқилган лойиҳа ҳужжатларига амал қилмасдан, пойдевор қуйиш учун ер қазиш ишларини олиб борганлиги сабабли қўшни хонадон пойдевори остидаги тупроқнинг чўкиши натижасида турар-жойнинг бир қисми қулаб тушганлиги аниқланди.

 

"Мазкур ҳолат юзасидан соҳа вакилларидан иборат экспертларнинг ўрганиш натижаларига оид хулосасига асосан яна қўшимча маълумот тақдим қилинади", — дейилади вазирлик муносабатида.

 

Паст Дарғом туман ҳокимлиги эса жароҳат олганлар йўқлигини маълум қилди.

 

 

Маълумот ўрнида: Жиноят кодексининг 173-моддаси 2-қисми “в” бандида мулкни атрофдагилар учун хавфли усулда қасддан нобуд қилиш ёки унга зарар етказиш жинояти назарда тутилган. Бундай қилмиш базавий ҳисоблаш миқдорининг 75 бараваридан 100 бараваригача (25,5 млн сўмдан 34 млн сўмгача) миқдорда жарима ёки 300 соатдан 360 соатгача мажбурий жамоат ишлари ёки 2 йилдан 3 йилгача ахлоқ тузатиш ишлари ёхуд 1 йилдан 3 йилгача озодликни чеклаш ёки 3 йилгача озодликдан маҳрум қилиш билан жазоланади.

Кредит қарзи сабаб тош майдалагич хатланди

Кредит қарзи сабаб тош майдалагич хатланди

Айни пайтда ускуна 2,524 млрд сўмга баҳоланган.

Жиззахда МЧЖга тегишли махсус техника хатланди

Жиззахда МЧЖга тегишли махсус техника хатланди

Маълум бўлишича, ташкилотнинг 6,6 млрд сўмлик қарзи бўлган.

Самарқандда 41 та жаримаси бор Equinox топилди

Самарқандда 41 та жаримаси бор Equinox топилди

Топилган автотранспорт воситаси белгиланган тартибда жарима майдонига жойлаштирилди.

Наманганда қарздорлик сабаб Дамас хатланди

Наманганда қарздорлик сабаб Дамас хатланди

Ҳозирда 115 миллион сўмлик қарздорлик бўйича ижро ҳаракатлари давом этмоқда.

Қорақалпоғистонда қарз сабаб кўп қаватли уй хатланди

Қорақалпоғистонда қарз сабаб кўп қаватли уй хатланди

Бино 20 млрд сўмга баҳоланиб электрон онлайн-аукцион савдо майдончаси орқали сотувга чиқарилган.

“Давлат тили нима бўлади?”: Алишер Қодиров боғча ва бошланғич синфларда таълим тилини чеклашни таклиф қилди

“Давлат тили нима бўлади?”: Алишер Қодиров боғча ва бошланғич синфларда таълим тилини чеклашни таклиф қилди

Унинг фикрича, давлат тили ва миллий қадриятлар масаласи бошланғич таълимда алоҳида эътиборда бўлиши керак.

Жаҳон банки Ўзбекистонга 100 млн доллар ажратади: маблағ Самарқанд тиббиётига йўналтирилади

Жаҳон банки Ўзбекистонга 100 млн доллар ажратади: маблағ Самарқанд тиббиётига йўналтирилади

400 дан ортиқ оилавий поликлиника модернизация қилинади, 6 400 нафардан ортиқ тиббиёт ходими ўқитилиб, сертификатланади.

Иш жойидаги бахтсиз ҳодисалар оқибати: 10 ойда 231 киши ҳалок бўлди

Иш жойидаги бахтсиз ҳодисалар оқибати: 10 ойда 231 киши ҳалок бўлди

Январь–октябрь ойларида Ўзбекистонда ишлаб чиқариш билан боғлиқ 771 та бахтсиз ҳодиса қайд этилган.