Молдовада 62 ёшли эркак тириклай кўмиб юборилди
Полиция ходимлари буни 4 кундан сўнг пайқашган.
Полиция ходимлари 74 ёшли аёлни ўлдиришда гумонланган йигитнинг ертўласидан тириклай кўмилган одамни топишди. Эркак ер тагида 4 кун жон сақлаган.
Тергов пайти эркак полицияга ўсмир билан ичкилик ичиб ўтирганини ва кейин жанжал бошланганини айтган. Шундан сўнг ўсмир унга пичоқ билан ҳужум қилиб, ертўлага қамаб қўйган ва кириш эшигини тупроқ билан қоплаган.
Полиция, шунингдек, ўсмир кекса аёлни ҳам якшанбага ўтар кечаси ёки душанба куни эрталаб ўлдирган деб тахмин қилмоқда.
Йигит ҳозирда қотиллик жинояти билан ҳибсга олинган. Унга нисбатан умрбод қамоқ жазоси тайинланиши мумкин.
