Корея Республикаси Президенти “UEnter” Инновацион тадбиркорлик маркази билан танишди
Юн Сок Ёл марказнинг фахрий меҳмонлар китобига ўзининг самимий дил сўзларини ёзиб қолдирди.
Корея Республикаси Президенти Юн Сок Ёлнинг мамлакатимизга давлат ташрифи доирасида Бош вазир Абдулла Арипов ҳамроҳлигида Тошкент шаҳридаги “UEnter” Инновасион тадбиркорлик маркази фаолияти билан ҳам танишди.
Ўзбекистон - Корея Инновасион келажак ёшлари билан суҳбатда Ўзбекистон томони Корея Республикасини муҳим ҳамкор, ишончли дўст ҳамда стратегик шерик сифатида эътироф этишини, Олий даражадаги яқин ва ишончли мулоқот мамлакатларимиз ўртасидаги муносабатларни изчил ривожлантириш учун мустаҳкам пойдевор бўлиб хизмат қилаётганини таъкидлади.
Корея халқаро ҳамкорлик агентлиги ва Корея ахборот-коммуникация технологияларини ривожлантириш агентлигининг қўллаб-қувватлови билан ташкил этилган “UEnter” Инновасион тадбиркорлик маркази Жанубий Кореянинг илғор тажрибаси асосида ўзбекистонлик ёш тадбиркорларга ўз бизнес лойиҳаларини амалга оширишлари учун ҳар томонлама кўмак беришга мўлжалланган.
Корея Президенти Марказнинг фахрий меҳмонлар китобига ўзининг самимий дил сўзларини ёзиб қолдирди.
