Хитойда сув тошқини сабаб 3 та шаҳар сув остида қолди
Қутқарув ишларига ҳарбийлар жалб қилинган.
Хитой шарқидаги Футсзян провинциясида узоқ давом этган ёғингарчилик оқибатида шаҳар ва туманларда сув тошқинлари юз берди.
Маълумотларга кўра, 11 та дарё ўз қирғоғидан чиқиб кетган, сув тошқини зоналарида сув сатҳи 3,65 метрга етган, ҳудудларда темирйўл ҳаракати қисман тўхтатилган.
Сув тошқинлари оқибатида 179,8 минг киши бевосита жабр кўрди, деярли 36 минг киши эвакуация қилинди.
Эслатиб ўтамиз, Футсзян провинциясида 9 июндан бери момақалдироқ ва кучли шамол билан бирга ёмғир ёғмоқда.
