Шимолий Корея ва Жанубий Корея чегарасида девор қурилмоқда
Ташаббус Пхенян томонидан чиққан.
Шимолий Корея ҳарбийлари Жанубий Корея билан чегарадаги демилитаризация зонасида деворлар қуришни бошлади. Бу ҳақда Ёнҳап агентлиги хабар бермоқда.
Ҳозирда Шимолий чегара чизиғи ва Ҳарбий демаркация чизиғи ўртасидаги айрим ҳудудларда қурилиш ишлари олиб борилмоқда. Бироқ материалда демилитаризация зонасининг қайси ҳудудлари ҳақида гап кетаётгани номаълум.
“Сўнгги пайтларда Шимолий Корея ҳарбийлари девор қуриш, қазиш ва йўллар ётқизиш билан шуғулланмоқда”, — дейилади хабарда.
