Андижонда Tracker зовурга тушиб кетди
Ҳодисага юқори тезлик сабаб бўлган.
Ҳолат 10 июль куни соат 23:30 ларда Андижон тумани “Терактаги” МФЙ ҳудудидан ўтган йўлда содир бўлган. 1996 йилда туғилган ҳайдовчи Tracker русумли транспорт воситасида ҳаракатланаётиб, тезликни меъёридан ошириб юборган. Шундан сўнг у руль бошқарувини йўқотган ва йўлнинг қатнов қисмидан чиқиб, зовурга тушиб кетган.
Ушбу йўл-транспорт ҳодисаси оқибатида автомашинанинг олди ўриндиғида йўловчи сифатида кетаётган 20 ёшли фуқаро тан жароҳати олиб, шаҳар шифохонасига мурожаат қилган.
Ҳозирда ҳолат юзасидан суриштирув ишлари олиб борилмоқда.
