Фарғонада йўловчи ҳаракатдаги Damas‘дан сакраб юборди
Шундан сўнг уни бошқа автомашина босиб кетган.
Ижтимоий тармоқда Фарғонада юриб кетаётган автомашинадан тушиб кетган йигитни бошқа машина босиб кетгани акс этган видео тарқалмоқда. Ҳолат юзасидан вилоят ИИБ расмий муносабат билдирди.
Ҳолат 16 июль куни Фарғона шаҳар Қиргули мавзесида содир бўлган. Damas русумли автомашинада йўловчи сифатида кетаётган фуқаро Д.П. автомобилнинг орқа эшигини очиб, сакраб юборган ва қарама-қарши томонидан келаётган автомобилнинг олд қисмига келиб урилган.
Оқибатда Д.П. тан жароҳати олиб, касалхонага ётқизилган. Кўрсатилган тиббий ёрдамга қарамасдан у касалхонада вафот этган.
Ҳозирда мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
