Қирғизистонда динозаврларнинг янги тури қолдиқлари топилди
Уларнинг узунлиги қарийб тўққиз метр эканлиги айтилмоқда.
Мюнхендаги Палеонтология музейи немис олимлари қирғизистонлик ҳамкасблари билан биргаликда Қирғизистон ғарбидаги тоғли чўл ҳудудида йиртқич теропод гуруҳига оид динозаврларининг янги тури қолдиқларини топишди.
Мутахассисларнинг фикрича, "Alpkarakush kyrgyzicus" Қирғизистон ҳудудидан топилган биринчи теропод динозаврига айланди. Палеонтологларнинг таъкидлашича, "Alpkarakush kyrgyzicus" қирғиз қаҳрамонлик эпоси "Манас"даги улкан мифологик қуш "Алпкаракуш" номи билан аталган.
Динозаврнинг қолдиқлари тахминан 165 миллион йил аввал Ўрта юра даврида ҳосил бўлган балбансой қатламининг чўкиндиларидан топилган. Суяклар таҳлили шуни кўрсатдики, динозаврнинг узунлиги қарийб тўққиз метрга етган. Кўплаб бошқа тероподлар билан таққослаш шуни кўрсатадики, янги тур метриакантозаврлардир ва Шарқий Осиёдаги йирик йиртқич динозаврлар билан чамбарчас боғлиқ.
