Тошкентдаги кўп қаватли уй олдида жанжал юз берди
Ҳолат юзасидан шаҳар ИИББ расмий муносабат билдирди.
Ижтимоий тармоқларда Тошкент шаҳрининг Сергели туманидаги кўп қаватли уй олдида 32 ёшли эркак 13 ёшли болани ургани айтилган видео тарқалди.
Расмий хабарга кўра, 16 сентябрь куни Сергели тумани 5-мавзе ҳудудида 1992 йилда туғилган M.И. ўзаро келишмовчилик оқибатида 16 ёшли T.T.ни бир неча маротаба урган. Бунга синфдошлар — M.И.нинг қизи ва T.T.нинг укаси ўртасидаги низо сабаб бўлган.
Бирламчи тиббий маълумотга кўра, вояга етмаган T.T.гa “Чап кўкрак қафаси юмшоқ тўқималарининг лат ейиши” ташхиси қўйилган.
Мазкур ҳолат юзасидан Сергели тумани ИИО ФМБ томонидан терговга қадар текширув ўтказилмоқда.
