Эрон олий раҳнамосининг хавфсизлиги кучайтирилди
У ҳозирда қаттиқ қўриқланадиган хавфсиз жойга кўчирилган.
Бу ҳақида Reuters агентлиги Теҳрон қароридан хабардор бўлган минтақадаги икки амалдорга таяниб хабар берди. Мазкур хабар Исроил армияси Ливандаги Ҳизбуллоҳ гуруҳи етакчиси Ҳасан Насруллоҳ Байрутга берилган зарбада ҳалок бўлганини тасдиқлагани фонида эълон қилинди.
Reuters суҳбатдошларининг қайд этишича, Эрон кейинги ҳаракатларни аниқлаш учун Ҳизбуллоҳ ва бошқа минтақавий гуруҳлар билан доимий алоқада.
