NASA Юпитернинг янги суратларини эълон қилди
Уларда хаотик булутлар ва циклон бўронлари акс этган.
NASA нинг “Juno” космик кемаси Юпитернинг янги суратларини Ерга юборди.
Суратлар икки мегапикселли “JunoCam” камераси ёрдамида олинган. Уларда Юпитернинг субполяр кенгликларида хаотик булутлар ва циклон бўронлари акс этган.
Космик кема сайёранинг магнит майдонини хариталаш учун магнитометр ва атмосферадаги сув ҳамда аммиакни ўлчаш учун микротўлқинли радиометр билан ҳам жиҳозланган.
Станциянинг Ердан Қуёш тизимидаги энг катта сайёрагача бўлган саёҳати тахминан беш йил давом этди.
