Бедарак йўқолган аёл ўлик ҳолда топилди
Тошкент вилоятида бедарак йўқолиб, қидирувга берилган 22 ёшли аёлнинг жасади каналдан топилди.
Билдирилишича, аёлнинг турмуш ўртоғи Н.О. жорий йилнинг 6 ноябрь куни Паркент тумани ИИБ бошлиғи номига ариза билан мурожаат қилган. Фуқаро мурожаатида 23 ёшли аёли Ҳ.О. тунда яшаш уйидан номаълум томонга чиқиб кетиб, қайтиб келмаганини маълум қилган ва уни топишда амалий ёрдам сўраган.
Терговга қадар текширув ҳаракатлари давомида, 10 ноябрь куни аёлнинг жасади Юқори Чирчиқ тумани, Янгибозор шаҳарчаси “Маърифат” маҳалласидан оқиб ўтувчи Қорасув каналида чўкиб кетган ҳолда топилган.
Ҳозирда туман прокуратураси томонидан терговга қадар текширув ҳаракатлари давом эттирилмоқда.
