"Finnair" иш ташлашлар туфайли 300 га яқин рейсини бекор қилади
Авиакомпаниянинг маълум қилишича, бекор қилинган рейслардаги йўловчиларга муқобил йўл таклиф қилинади.
Иш ташлашлар сабабли Финляндия авиакомпаниясининг 9 ва 13 декабрь кунларига белгиланган рейслари бекор қилинади.
"Finnair" маълумотларига кўра, учувчилар иш ташлашидан 33 мингга яқин йўловчи зарар кўради. Зарар кўрган йўналишлар қаторига Хелсинкидан Мюнхен, Гамбург, Франкфурт, Берлин, Вена, Цюрих ва Женевага рейслар киради.
Авиакомпания ўз баёнотида, бекор қилинган рейслардаги йўловчиларга муқобил йўл таклиф қилинишини билдирди. Аммо жабрланган йўловчиларнинг кўплиги туфайли ҳар доим ҳам уларнинг саёҳат режасига яқин вариант бўлмайди. Бундай ҳолда, йўловчилар чипта пулини қайтаришни талаб қилишлари мумкин.
