Туркияда Термизий қаламига мансуб қўлёзма аниқланди
Ўзбекистондаги Ислом цивилизасияси маркази ходими, фахрий профессор Мирзо Кенжабек бу ҳақида маълумот берди.
Ўзбекистондаги Ислом сивилизасияси маркази ходими, фахрий профессор Мирзо Кенжабек Туркияда сақланаётган Имом Термизийнинг "Ал-Илал ал-кабийр" асари қўлёзмаси ҳақида маълумот берди.
Олим томонидан тақдим этилган маълумотга кўра, Имом Термизийнинг ҳаёт ва фаолиятига доир махсус рисола ёзган олим Нуриддин Атр "Китобул-илал"нинг Байрутда 1988 йилда чоп этилган иккинчи нашрида Туркиянинг қимматли қўлёзмаларга бой кутубхоналаридан бирида Термизийнинг "Ал-Илал ал-кабийр" асарининг ягона қўлёзмасини кўргани ва ундан фотонусха олиб, ўз тадқиқотининг қайта нашрида фойдалангани ҳақида ёзади.
Самарқандда “Буюк аждодлар мероси – учинчи ренессанс асоси” мавзусида ўтказилган VIII халқаро конгресс давомида ҳазрати Имом Термизийга оид "Ал-Илалул-кабир” китобининг нашр нусхалари қўлга киритилди.
Маълумот учун, илал — ҳадислар ривоятидаги яширин қусур, нуқсон ва иллатлар. Ҳадис илмида илал масаласи муҳим аҳамиятга ага бўлиб, бу соҳа ҳадислар ривоятида ҳар хил сабабларга кўра ровийлар томонидан содир этилган заифлик, ноаниқлик, ғалат, хато, саҳву янглишларни тадқиқ қилишдек шарафли ва ўта масъулиятли вазифа билан шуғулланади.
