Трамп ва Путин ўртасидаги учрашув қачон бўлиши маълум қилинди
Бу Трамп президентлик лавозимига киришганидан сўнг амалга оширилади.
АҚШнинг сайланган президенти Доналд Трамп ва Россия Президенти Владимир Путин ўртасида кутилаётган учрашув Швейцарияда бўлиб ўтиши мумкин. Бу ҳақида Швейцария Ташқи ишлар вазирлиги вакили Николас Бидо ўзининг интервьюсида маълум қилди.
Унинг сўзларига кўра, Швейцария АҚШ ва Россия раҳбарларининг саммитини сўраса, уни ўтказишга тайёр. У Бюргеншток саммитидан бери мамлакат мунтазам равишда Украина, Россия ва Қўшма Штатларни тинчликка ёрдам берадиган ҳар қандай дипломатик саъй-ҳаракатларни қўллаб-қувватлашга тайёр эканлигини таъкидлаган.
9 январь куни Трамп Мар-а-Лагодаги мулкида республикачи губернаторлар билан учрашув олдидан Россия Президенти Владимир Путин ўртасида учрашув режалаштирилганини маълум қилганди. Трамп икки етакчи ўртасидаги мумкин бўлган музокаралар вақтини очиқламаган. Трампнинг 20 январь куни Оқ уйга қайтиши Москва 2022 йил февралида Украинага бостириб кириши билан бошланган можарони дипломатик йўл билан ҳал қилишга умид уйғотди. Бироқ, Киев тинчлик келишуви Украинага жуда қимматга тушишидан хавотирда.
Кремль матбуот котиби Дмитрий Песков ҳам ўша куни аввалроқ Путин Трампнинг алоқа ўрнатиш истагини олқишлаганини, бироқ ҳозирча Кремлга ҳеч қандай расмий сўров юборилмаганини айтди. Песковнинг сўзларига кўра, Трамп лавозимга киришгунча кутиш тўғрироқ бўлади.
