Жанубий Корея президенти ҳибсдан озод қилинди
Аввалроқ у исён уюштиришда айбланиб ҳибсга олинганди.
Жанубий Корея суди президент Юн Сок Ёлга нисбатан чиқарилган ҳибсга олиш ордерини бекор қилди. Ёнҳап агентлигининг хабарига кўра, суд Юн Сок Ёлнинг ҳарбий ҳолат муддати қисқа бўлгани сабабли ҳибсдан озод қилиш ҳақидаги илтимосини қондирди.
Февраль ойида Юн Сок Ёл Сеул марказий туман судига мурожаат қилиб, ҳарбий ҳолат эълон қилиш бўйича айбловни ноқонуний деб топишни сўраган эди. Президент 2024 йил декабрь ойида ҳарбий ҳолат эълон қилганидан сўнг, мамлакатдаги вазият кескинлашди. У буни импичмент жараёнининг ҳукумат ишини фалаж қилиши мумкинлиги билан изоҳлади.
Жанубий Корея прокуратураси 26 январь куни президентни исён уюштиришда айблаб, унга қарши иш очган эди. 15 январь куни Юн Сок Ёл 48 соатга ҳибсга олинган, 19 январь куни эса суд уни расман ҳибсга олишга қарор чиқарган. Шу пайтдан бошлаб президентнинг тарафдорлари норозилик намойишлари уюштирди.
