Ҳиндистонда иккита метеорит қулаб тушди
Ҳозирда ушбу метеоритлар ўрганилмоқда.
Ҳиндистоннинг Махараштра штатидаги Беэд қишлоғида иккита метеорит қулаб тушди. Улардан бири деҳқон уйининг тунука томини тешиб ўтган, иккинчиси яқин атрофдаги далага тушган. Олимлар тошларни ўрганиб, уларнинг космосдан келганлигини тасдиқлашди.
Тадқиқотчилар метеоритларнинг оғирлик кучи, магнит хоссалари ва бошқа параметрларини текшириб, уларни Ер атмосферасига кирган астероиднинг парчаси деб баҳолашмоқда. Ҳодиса гувоҳларининг сўзларига кўра, тошлар жуда совуқ бўлган.
Тарихий маълумотларга кўра, 1621 йилдан бери Ҳиндистонда 700 дан ортиқ метеорит зарбалари қайд этилган. Ушбу ҳодисалар илм-фанга қимматли маълумотлар қўшиб келмоқда.
