Исроил Ғазодаги электр таъминотини узиб қўйди
Ғазоликлар энди генераторлардан фойдаланмоқда.
Исроил ҳукумати Ғазо секторида ҳали ҳам электри бор охирги иншоотни ҳам қувват манбаидан узди. Энергетика вазири Эли Коэн бу қарор гаровга олинган фуқароларни озод қилиш учун босим ўтказиш мақсадида қабул қилинганини айтди.
Ҳамас бу ҳаракатни “геноцид урушининг давом этиши” деб атади ва халқаро қонунларга зид эканлигини таъкидлади. Ғазоликлар асосан генераторлар ва қуёш энергиясидан фойдаланишга мажбур бўлиб қолган.
Шу билан бирга, Қоҳирада сулҳ музокаралари давом этмоқда. АҚШ воситачилигида Исроил ва Ҳамас ўртасида келишувга эришишга ҳаракат қилинмоқда, бироқ томонлар ҳали якуний қарорга келмаган.
Исроилда айрим сиёсатчилар Ғазодаги ёқилғи омборлари ва генераторларни нишонга олишни талаб қилмоқда. Улар гаровдаги фуқаролар озод қилинмагунча ҳудудга ҳеч қандай энергия ресурслари етказиб берилмаслигини таъкидламоқда.
