Венеция бутунлай сув остида қолиши мумкин
Шаҳар йилига 7 миллиметр чўкиб бормоқда.
Миллий геофизика ва вулқонология институти олиб борган тадқиқот натижаларига кўра, 2150 йилга келиб Венеция бутунлай сув остида қолиши мумкин. Олимлар 2050, 2100 ва 2150 йиллар учун моделлаштириш олиб боришди. Унга кўра, энг ёмон сценарийда шаҳарни сув тўлиқ қоплаши эҳтимоли борлиги аниқланди.
Мутахассисларнинг фикрича, ҳозирда мавжуд Мусо тўсиқ тизими сув тошқинидан ҳимоя қилиш учун етарли бўлмайди. Бундан ташқари, иқлим ўзгариши ва қуруқлик даражасининг пасайиши Венециянинг денгиз сувлари томонидан аста-секин ютилишига сабаб бўлмоқда. Ҳозирги вақтда ернинг чўкиши йилига 7 миллиметрни ташкил қилмоқда.
Олимлар қўшимча ҳимоя чораларисиз Венеция нафақат маҳаллий аҳоли, балки дунё маданий мероси учун ҳам катта хавф остида қолишини таъкидламоқда. "Кўп сув" таъсири ва денгиз тўлқинлари туфайли шаҳар йўқолиш арафасида турибди, дея огоҳлантиради мутахассислар.
