Ноқулай иқлим шароитда ишлаётган бюджет ходимларига устама берилади
Учқудуқ, Зарафшон, Нуробод ва Зафарободдаги бюджет ходимларига қўшимча устамалар белгиланади.
Ҳукумат қарори билан ноқулай табиий-иқлим шароитларида фаолият юритаётган бюджет ташкилотлари ходимларига ойлик устама тўлаш тартиби тасдиқланди. Бу тартиб Учқудуқ, Зарафшон, Нуробод шаҳарлари ҳамда Конимех туманининг Зафаробод шаҳарчасида амал қилади.
Мазкур ҳудудлардаги бюджет ташкилотлари ходимларига қуйидаги меъёрда устама белгиланади:
- 3 йилгача иш стажига эга ходимлар — лавозим маошининг 0,25 фоизи;
- 3 йилдан 5 йилгача стажга эга ходимлар — лавозим маошининг 0,5 фоизи;
- 5 йилдан ортиқ стажга эга ходимлар — лавозим маошининг 0,75 фоизи.
Иш стажи сифатида мазкур шаҳарлардаги бюджет ташкилотларида ҳақиқий ишлаган даври, ишламаган бўлсада, қонунчиликка биноан лавозими сақланган даври, “Навоий кон-металлургия комбинати” ва унга қарашли ташкилотлардан Мактабгача ва мактаб таълими тизимига ўтказилган ходимларнинг аввалги иш стажи инобатга олинади.
