Хитойнинг янги космик миссияси амалга оширилди

 

Хитой аэрокосмик соҳасида яна бир йирик муваффақиятга эришди: мамлакат бир вақтнинг ўзида олтита “Shiyan-27” сунъий йўлдошини коинотга учиришга муваффақ бўлди. Бу ҳақда Хитойнинг Аэрокосмик фан ва технологиялар корпорацияси (САСС) расмий баёнот берди.

 

Мазкур сунъий йўлдошлар 13 апрель, шанба куни эрталаб Пекин вақти билан соат 06:51 да Шанси провинциясидаги Тайюан космик марказидан учирилган. Учиришда “Changzheng-6A” (CZ-6A) русумидаги ракетадан фойдаланилди. Бу ракета Хитойнинг машҳур Лонг Марч церийасига мансуб бўлиб, уларнинг 570 марта парвозидир.

 

Маълумотларга кўра, “Shiyan-27” йўлдошлари қуёш билан синхрон орбитага (500 км баландликда) чиқарилган бўлиб, улар коинот муҳитини ўрганиш, тажриба асосидаги технологик тестлар ўтказиш ва келажакдаги илмий тадқиқотлар учун муҳим пойдевор бўлиб хизмат қилади.

 

50 метр узунликдаги СЗ-6А ракетаси экологик тоза ёқилғида – керосин ва суюқ кислород аралашмасида ишлайди. Бу ракета Шанхай космик парвоз технологиялари академияси томонидан ишлаб чиқилган бўлиб, тўртта қаттиқ ёқилғи кучайтиргич билан жиҳозланган ва 6,5 тоннагача бўлган фойдали юкни орбитага олиб чиқиш қувватига эга.

 

Бу муваффақият Хитойнинг глобал космик пойгалардаги ўрнини янада мустаҳкамлаш баробарида, илмий тадқиқотлар салоҳиятини оширишга хизмат қилади.