Россия Днепропетровск вилоятига ҳужум қилди
Ҳужум натижасида тинч аҳолига зарар етган.
Украина марказидаги Днепропетровск вилоятида Россия қуролли кучлари томонидан уюштирилган навбатдаги ҳужум оқибатида 76 ёшли аёл ҳалок бўлди. Бу ҳақда вилоят раҳбари Сергей Лисак Телеграмъдаги саҳифасида маълум қилди.
Маълумотларга кўра, Павлоград шаҳри ўққа тутилган, натижада яна саккиз киши жароҳат олган. Баъзиларининг аҳволи оғир экани айтилмоқда. Ҳужум дронлар ёрдамида амалга оширилган бўлиб, вилоятда бир нечта инфратузилма объектларига зарар етган.
"Россия кучлари тинч аҳолига қарши навбатдаги ҳужумни амалга оширди. Бу уруш жиноятларидан бошқа нарса эмас", — деди Лисак ўз баёнотида.
Украина ҳарбийлари эса ҳудудда ҳаво мудофааси ишлаганини, бироқ барча ҳужумларни тўлиқ қайтара олмаганини билдирмоқда.
