Наманганда 19 ёшли йигит машинада ёниб кетди
Ҳолат юзасидан вилоят ФВБ маълумот берди.
Ҳодиса кеча, 25 май куни соат 20:49 ларда Наманган шаҳар “Янги аср” МФЙ ҳудудидан ўтган йўлининг 87-километрида юз берган. 2006 йилда туғилган фуқаро Некция-3 русумли автомашинасини бошқариб бораётиб, бошқарувни йўқотиб йўлнинг ўнг четига чиқиб кетган ва арча дарахтига урилиши натижасида автомашинада ёнғин чиққан.
Соат 21:03 да ёнғин-қутқарув экипажи воқеа жойига етиб бориб, соат 21:05 да ёнғин қутқарувчи ва фуқаролар томонидан бартараф этилган.
Ҳодиса оқибатида автомашина тўлиқ ёниб зарарланган ҳамда ҳайдовчи воқеа жойида вафот этган.
