АҚШнинг йирик шаҳарлари сув остида қолиши мумкин
Техасда ер сатҳининг кескин чўкиши қайд этилди.
Virginia Tech компанияси олимлари ўтказган тадқиқотга кўра, АҚШдаги 28 та йирик шаҳар аста-секин чўкмоқда ва яқин келажакда уларнинг сув остида қолиш хавфи мавжуд.
Ҳисоботда таъкидланишича, чўкиш жараёни айниқса Техас штатида хавотирли кўламга етган. Ҳудуднинг 42 фоизи йилига 5 миллиметрдан ортиқ тезликда чўкмоқда — бу энг юқори даражадаги хавф белгиси ҳисобланади.
Даллас, Форт-Уорт, Чикаго, Нью-Йорк, Детройт, Денвер ва Индианаполис каби бошқа йирик шаҳарларда ҳам шунга ўхшаш ҳолатлар аниқланиб, тупроқ чўкиши даражаси ошиб бораётгани кузатилмоқда.
Тадқиқотчилар ушбу ҳодисанинг асосий сабаблари сифатида ер ости сувларининг ҳаддан ташқари тортиб олиниши, шаҳар инфратузилмасининг оғирлиги ва иқлим ўзгаришини кўрсатишмоқда.
