Эрон 2 ойда савдодан 8,2 млрд доллар даромад олди
Бу ҳақда Эрон божхона бошқармаси маълум қилди.
Эрон халқаро санкцияларга қарамай, 2025 йилнинг дастлабки икки ойида нефтдан ташқари экспортдан 8,2 миллиард АҚШ доллари миқдорида даромад кўрди. Бу ҳақда Эрон божхона бошқармаси маълум қилди.
Расмийларга кўра, экспорт қилинаётган маҳсулотлар таркибига нефть маҳсулотларисиз саноат, қишлоқ хўжалиги ва кончилик соҳаларига оид товарлар киради. Асосий савдо шериклари сифатида Хитой, Ироқ, БАА, Ҳиндистон ва Туркия тилга олинмоқда.
Ушбу кўрсаткич санкциялар шароитида Эронга валюта тушумларини барқарор сақлаб қолиш имконини бермоқда. Таҳлилчиларнинг фикрича, Теҳрон экспорт географиясини кенгайтиришга уринмоқда.
