Тошкентда бегона аёлга шилқимлик қилган эркак қамалди
У судда қилган ишидан пушаймонлигини билдирган.
Аниқланишича, фуқаро И.С. маст ҳолда Э.И.ни орқа томонидан келиб, унга нисбатан шаҳвоний шилқимлик қилган. Мазкур ҳолат жорий йилнинг 16 май куни соат 22:00 атрофида Тошкент шаҳар Сергели туманидаги болалар майдончаси яқинида содир бўлган. Оқибатда И.Э. ИИОга мурожаат қилган.
Мазкур ҳолат юзасидан суд иши ЖИБ Сергели тумани судида кўриб чиқилди.
Суд мажлисида ҳуқуқбузар И.С. маст ҳолатда нима қилганлигини билмаслигини, қилган ишидан чин кўнгилдан пушаймонлигини баён қилиб, кўрсатма берган.
Суд ҳукмига кўра, И.С. МЖтКнинг 41-1-моддаси 1-қисмида назарда тутилган ҳуқуқбузарликни содир этганликда айбли деб топилиб, унга нисбатан 5 сутка маъмурий қамоқ жазоси тайинланди.
