Эрон ва Исроил ўртасида тўқнашувлар кучаймоқда

Исроил ҳаво кучлари Эрон марказий ҳудудидаги ракета учириш мосламаларига зарба берди. Шу билан бирга, Теҳрондаги нефть базаси ва мудофаа вазирлиги биноси ҳам ҳужум нишонига айланди. Исроил фуқароларини бошпаналарда қолишга чақирди. Бу Эрон ҳужумининг кутилаётганидан дарак беради.

 

Эрон эса жавобан 100 дан ортиқ ракета ва дронлар билан Тел-Авив ҳамда Ҳайфа шаҳарларини нишонга олди. Расмий маълумотларга кўра, Ҳайфада ракета белгиланган объектга урилган. Шунингдек, "Рафаэл" ҳарбий техника заводи ҳам нишонга олинган.

 

Исроил ҳужумлари оқибатида Эрон соғлиқни сақлаш вазирлиги 224 кишининг ҳалок бўлганини, 1 277 кишининг яраланганини билдирди. Аҳоли орасида ваҳима кучайган, Теҳронда ичимлик суви узилиб қолган, газ омбори портлатилган ва кўчаларни сув босган.

 

Шанба куни ўтказилиши керак бўлган Эрон ва АҚШ ядровий музокаралари бекор қилинди. Исроилнинг кутилмаган ҳужуми узоқ йиллик адоватни яна авж олдирди ва минтақада кенг қамровли уруш хавфини кучайтирди.