Хитой компаниясида қаттиқ жарималар жорий қилинди

 

Хитойнинг йирик мебель ишлаб чиқарувчиси Man Wah Holdings Ltd ўз ходимлари учун жорий қилган қатъий ва ноодатий ички қоидалар билан ижтимоий тармоқларда жиддий эътирозларга сабаб бўлди. Компания иш муҳитидаги оддий ҳаракатлар учун кескин жарималарни жорий этди — масалан, иш жойида овқатланиш ёки нометалл (ойна, сендвич фольгаси ва ҳоказо) дан фойдаланиш учун ҳам молиявий жазолар белгиланган.

 

Соутҳ Чина Морнинг Постънинг ёзишича, компаниянинг ички қоидалари сизиб чиққан ҳужжатлар орқали оммага маълум бўлди. Унга кўра, ҳар бир қоидабузарлик учун тўланадиган жарималар ходимнинг лавозимига қараб белгиланади:

 

• Менежерлар – 280 доллар,
• Назоратчилар – 140 доллар,
• Менежер ёрдамчилари – 70 доллар.

 

Янги регламентга кўра ходимлар иш кунида олти марта рўйхатдан ўтишлари керак, бу эса танаффус имкониятини деярли йўққа чиқаради. Иш вақтида овқатланиш қатъиян тақиқланади.

 

Қоидабузарлик ҳолатлари нафақат жарима, балки ишдан бўшатиш ёки иш ҳақининг пасайтирилиши билан якунланиши мумкин.

 

Компания раҳбари эса бу чораларни қуйидагича изоҳлади: “Мен бу жарималардан йиғилган пулларни чинакам меҳнаткаш ходимлар учун мукофотга айлантираман”.

 

Бироқ бундай ёндашув Хитой интернет фойдаланувчилари орасида жиддий норозиликка сабаб бўлди. Кўпчилик бу сиёсатни “диктатура”, “меҳнат ҳуқуқларини бузиш” ва “ноинсоний бошқарув” деб атамоқда.